تعالوووووو يا اعيالي ابي اسبحن عليكم سبحانيه هامه جدا جدا مع توصية

تعال يالدبة انت والمعصقل وهات معك سلابيدو وكل المطبلين والطقاقات

ولاتنسى نور المنتدى ريم وريانه وامورة واسرار

بسم الله الرحمن الرحيم


كان يامكان في قديييييييييييييييييم الزمان وسالف العصر والاوان...
قصه صارت في وقت بعيد من ذو مبطي ايام اجداد اجداد اجدادنا.
.
.
.
كان فيه رجال غني وله ثروة كبيرة مره.
الرجال هذا عنده ولد وحيد.
وفي يوم من الايام يوم جا الرجال هذا يموت, نادى ولده وهو على فراش الموت , وقال له :
ياولدي انا بوصيك وصية ابيك تنفذها.
قال الولد ابشر .
قال :
يا ولدي انا قروشي واجد وكل القروش هذي جبتها بعد كد وتعب سنين تسثيره وابيك بعد موتي تحافظ عليها عشان عيالك وعيال عيالك.
ويا ولدي ابي اقول لك كلام لازم تحفظه وتطبقه.
ابيك ياولدي تبني لك في كل بلد قصر , ولا تاكل الا حلو, ولا تجي زوجك الا وهي بكر, ولا تنام الا على الريش.
واذا ضاقت عليك الامور وحسيت انك ما تقدر تحلها رح لفلان وقل له السالفه, واذا مالقيت عنده حل شف يا وليدي هالعمود اللي في الحوش اشنق نفسك فيه.
وبعدها تشهد الرجال ومات.
.
.
.
.
.
الولد قام يصيح ..... كهي كهي كهي كهي .
.
.
.
ومرت الايام .

الولد خلص من ال كهي كهي .
وبدا يشوف اشغاله, ويطبق وصية ابوه.
بنى في كل بلد قصر .
وصار ما ياكل الا حلو .
وقام يتزوج كل يوم بكر ويطلق اللي قبلها .
وينوم على الريش الغالي.
وقعد عطال بطال, لا شغل ولا مشغله.
وياسفر يمين ويسار ويصرف من هالفلوس .
.
.
.
.
.
.
.
.
اييييييييييييييييييه
الفلوس بدت تخلص والرجال مازال على حاله .
وفي يوم من الايام طلّع بوكه يبي يشتري ببسي من البقاله, ويدور ريال مالقى,
البوك يصفّر.
ويدور يمين يسار ,
مافيه.
طفّر معد عنده ولا ريال.
قال له الهندي :اييس فيه صديق<========== ( امزح معكم).
.
.
.
.
.
.
.
المهم:
الرجال قضت قروشه.
وش يسوي ؟؟؟؟
.
.
بدا يبيع املاكه.

الين باع اخر شي يملكه.
لانه اصبح طفراااااااان.

الرجال طفر وما بقي له الا بيت ابوه القديم وطلع فقير وبدت الهموم تجيه .
وضاق صدره وحس انه خلاص مافيه حل.
ويوم من الايام تذكر وش قال له ابوه عن الرجال اللي يروح له اذا ضاقت عليه الامور .
.
.
.
.
.
.
راح للرجال ودخل عليه وقال انا فلان ولد فلان ........
وقال له القصة كلها.
قال الرجال هذا خلاص انت الحين تحتاج للفلوس ولا عندك شغل وانا ودي واحد يساعدني في شغل المزرعة.
قال الولد( او كي) .
.
.
.
.
.
.
راحو للمزرعة وقال له المعزب هذا مكانك اللي بترقد فيه .
ودخلّه على عشة رايحة وطي مليانه تبن .
وقال ارقد هنا واكلك بياصلك بعد الشغل .
ويالله قم نبدا الشغل......
.
.
.
اشتغل الولد ........ وخذ كرف.
شيل وحط وملاحق ومطامر وحفر ودفن .
.
.
.
.
.
.
.
.
.
رجع الولد لعشته هلكان جوع وتعبان يبي يرقد.
جابو له الاكل .. عباره عن خبز بر ومويه.
كلها الولد وارقد على طول.
.
.
.
.
.
.
.
واستمر على هالحاله فتره .
جاه المعزب في يوم من الايام وقال له يافلان ابي ازوجك بنتي , بس تراها مهيب بكر..... (ارملة)<============ عشان محد يفهم غلط
قال له على بركة الله.
المعزب زوج الولد بنته بس كانت البنت ماتجي زوجها الا في الاسبوع مرة.
وقعد على هالوضع الين زهق .
.
.
.
.
.
وقرر انه ينفذ اخر خيار في وصية ابوه.
اللي هو الانتحار .........
لراح لمعزبه وقال له ابوي قال لي اذا ضاقت علي الامور اروح لك واذا مالقيت عندك حل اشنق نفسي في العمود اللي في بيت ابوي .
قال له المعزب يا ولدي وشلون لقيت الاكل عندنا؟ .
قال على انه بر ومويه الا انه من افضل الاكل اللي كلته في حياتي.
قال طيب والنوم ؟
قال ماقد ذقت زي هالنوم مع اني انوم على التبن.
قال وكيف لقيت جماعك مع زوجتك؟
قال الحمد لله انا تزوجت كثير بس ما استمتعت زي مع هالزوجه.
قال ياولدي هذا هو معنى وصية ابوك, وانت فسرت الوصية على الظاهر .
ابوك كان قصده لا تاكل الا ونت جوعان عشان تتلذذ بالاكل, ولا تنام الا ونت تعبان عشان تحس بطعم النوم, ولا تجامع حرمك الا ونت مطول عشان تستمتع كأ نك تجامع بكر.
اما عن العمود فقم نروح للبيت حق ابوك.
.
.
.
.
.
.
راحو ويوم وصلو قال الرجال وين العمود .
قال الولد في الحوش .
قال له رح جب مرزبّه .
راح الولد وجاب منشار وقال له المعزب اكسر العمود.
يوم كسره طلعت منه هاك الدراهم والفلوس الكثيرة.
قال الرجال ياولدي هذي الفلوس هي نصف ثروة ابوك, كان موزيها في هالعمود عشان اذا صار حالك كذا وتعلمت من اخطاءك واستفدت منها تجي تاخذها وتبدا صح .
وابوك معلمني عنها حتى اذا جيت لي اعلمك مكانها بعد ما افسر لك وصيته.
.
.
.
.
.
اتمنى انكم استمتعتو بالقصة واستفدتو








ياليت كل واحد يقول لنا وش استفاد من القصه ؟؟




لانه بعد اخذ اجوبتكم
سوف يكون بالاخير الجواب لموضع هامه وعدتكم فيه ؟؟ ان شاء الله

قصة مشوقة .. وفيها أكــشــن
باقي في كل ديرة قصر مافسره الشايب للولد .. ملاحظات على الإخراج

مواضيعك تعجبني بالرغم من غموضها

بصراحة قصة حلوة

استفدت منها ان الإنسان لا ياخذ الأمور على ظواهرها هذا نمبر ون
ايضاً ان رغد العيش لا يدوم لأحد وهذا نمبر تو
نمبر تري وهو الأهم أن طعم ولذة الحياة لا تأتي الا مع الاجتهاد والتعب

يقول الشاعر :
بصُرت بالراحة الكبرى فلم ترها تُنال إلا على جسر من التعب .

ربي يوفقك يالراااايق
اسمك لايق عليك

المـــسـافـــر** كتب:قصة مشوقة .. وفيها أكــشــن
باقي في كل ديرة قصر مافسره الشايب للولد .. ملاحظات على الإخراج

القصر هو الصديق الوفي

فأنا اعتبر قصر عالي

واما الدبه فهو عشه كانها كشه

راعية علوم كتب:مواضيعك تعجبني بالرغم من غموضها

بصراحة قصة حلوة

استفدت منها ان الإنسان لا ياخذ الأمور على ظواهرها هذا نمبر ون
ايضاً ان رغد العيش لا يدوم لأحد وهذا نمبر تو
نمبر تري وهو الأهم أن طعم ولذة الحياة لا تأتي الا مع الاجتهاد والتعب

يقول الشاعر :
بصُرت بالراحة الكبرى فلم ترها تُنال إلا على جسر من التعب .

ربي يوفقك يالراااايق
اسمك لايق عليك

راعيه علوم ارفع لكي القبعه

استنتاجك لم يأت عبثا وهو مقصود

والفائدة الاولى لي انا
والثانيه تخصك انتي
والثالثة للقطيع


ومتى تصل ياسلابيدو وياايها الدب من تلك الدرر

اولئك قرائي فجئني بمثلهم ***** اذا جمعتنا ايها الدب المجامع

سلابيدو وانت ايها الدب

من تناظرون

المسافر
او
راعية علوم

الرااايق كتب:سلابيدو وانت ايها الدب

من تناظرون

المسافر
او
راعية علوم

تستهبل مسوي فيها ماتدري وش نناظر

نديم الشاشة كتب:

الرااايق كتب:سلابيدو وانت ايها الدب

من تناظرون

المسافر
او
راعية علوم

تستهبل مسوي فيها ماتدري وش نناظر

فعلا شرير

دنيااااا وزماااان كاااان